நீட் தேர்வு எந்த காலத்திலும் ரத்து செய்ய முடியாது. பாஜக தலைவர் அண்ணாமலை பேட்டி.

கன்னியாகுமரி மாவட்டத்தில் பல்வேறு நிகழ்ச்சியில் பங்கேற்ற பாஜக மாநில தலைவர் அண்ணாமலை நாகர்கோவிலில் செய்தியாளர்களை சந்தித்தார். அப்போது பேசிய அவர், காங்கிரஸ் யாத்திரையை துவக்கும் இடத்திலேயே செல்வாக்கு இல்லை. எங்கள் முதல்வர் வருகிறார் வாருங்கள் என்று திமுகவினரை வைத்து கூட்டத்தை கூட்ட வேண்டிய நிலையில் தான் காங்கிரஸ் கட்சி உள்ளது.

70 ஆண்டு கால காங்கிரஸ் ஆட்சியில் இந்தியா சீரழிந்ததை 8 ஆண்டு கால மோடி ஆட்சியில் எப்படி வளர்ச்சி பெற்றது? என்பதை ராகுல் காந்தி தனது பாதயாத்திரையில் தெரிந்து கொள்வார். நீட் தேர்வு எந்த காலத்திலும் ரத்து செய்ய முடியாது. திமுகவினர் நடத்தும் மருத்துவ கல்லூரிகளுக்காக நீட் தேர்வை ஒருபோதும் ரத்து செய்ய முடியாது.