மாற்றுதிறன் பயனாளிகள் 281 பேருக்கு நலத்திட்ட உதவிகள் .

 

மாற்றுதிறன் பயனாளிகள் 281 பேருக்கு நலத்திட்ட உதவிகள் .

 கன்னியாகுமரி மாவட்டம் நாகர்கோவில் ஸ்காட் கலை மற்றும் அறிவியல் கல்லூரி கலையரங்கத்தில் பாரத் பெட்ரோலியம் கார்ப்பரேஷன் லிமிடெட் , இந்திய செயற்கை அவயங்கள் உற்பத்தி கழகம் (அலிம்கோ) மற்றும் மாற்றுத்திறனாளி நலத்துறை இணைந்து நடத்திய மாற்றுத்திறனாளிகளுக்கான உதவி உபகரணங்கள் வழங்கும் விழா நடைபெற்றது.      மாவட்ட ஆட்சியர் அழகு மீனா தலைமை வகித்தார்.    மேயர் ரெ.மகேஷ் ,  மாநகராட்சி ஆணையர் நிஷாந்த் கிருஷ்ணா, முன்னிலை வகித்தனர். அமைச்சர் மனோதங்கராஜ்  மாற்றுத்திறன் பயனாளிகளுக்கு நலத்திட்ட உதவிகள் வழங்கினார்.         

விழாவில் 24 மோட்டார் பொருத்தப்பட்ட சக்கர நாற்காலிகள் , 9 மோட்டார் பொருத்தப்பட்ட முச்சக்கரவண்டிகள்,  5 முச்சக்கரவண்டிகள், 60 சக்கர நாற்காலிகள், 17 சி.பி சக்கர நாற்காலிகள் ,  104 BTE காது கேட்கும் கருவி, 26 சுகம்யா கேன்ஸ்,  21 திறன்பேசி, 36 பார்வையற்றோர்களுக்கான தொகுப்பு,  94 ஊன்றுகோல்கள், 15 உருளைகள், 11 வாக்கிங் ஸ்டிக்ஸ், 1 ப்ரெயிலி கேன், 51 செயற்கை கால்கள் என 281 பயனாளிகளுக்கு ரூ.44.72 இலட்சம் மதிப்பில் 475 உபகரணங்கள் வழங்கப்பட்டது.